Zothlifim Logo
Loading ...

Human Rights and Law Network Mizoram chuan Vaphai khaw mipuiin Saikhumphai a in 40 chuang, zirna in tiama an hal hi pawi a ti tak zet a. Hetianga mahni mihring puite chunga thil duhawm lo tak an thlentir hi a chhan chu eng pawh ni se Human Rights and Law Network Mizoram chuan a dem takzet tih thuchhuah siamin an tarlang a.

Chutihrualin hetiang taka thil a lo thlen nachhan hi Sawrkarin a tihtur a tih loh vang nni an ngaih thu an sawi a, Kum 1904 daih tawhah khan Superintendent J Shakespear chuan hetianga khawper din phallohna dan leh sawrkar thu lova khawper dintute chu pawisa chawitir leh an in halsak an nih tur thu chhuahin inkaihhruaina dan mumal tak a lo siam tawh a. Hetianga inkaih-hruaina mumal tak awm tawh sa kengkawh lova miin khua an din tawh hnua thiahna thupek siam leh si hi sawrkar thiamlohah an ngai a. Chuvangin he thil thleng hi sawrkar pawhin inenfiah na hmang se an duh hle tih an tarlang bawk.