Nimin khan Serchhip District bawrhsap Pi Juhi Mukherjee, IAS chuan Thenzawl tlawhin, Asian Development Bank kaltlanga siam tur Serchhip leh Buarpui inkar kawng (55 Kms.)-a compensation pek dan tur ruahmanna ‘Draft Award’ a zir chiang.
Bawrhsap hian Draft Award a tel mi chi hrang hrang kâwm kualin ram neitu dik tak an nih leh nih loh te, compensation an dawn turah an lungawi leh lungawi loh te, Draft Award buatsaihtu ten dik taka an thawh leh thawh loh te chik takin a zawt a, hma lak tawhnaah lungawi thlak a tih thu leh felfai taka ruahmanna siam ani chu lawmawm a tih thu a sawi a ni.
Serchhip-Buarpui ADB Road Draft Award hi peih fel thawkhat a ni tawh a, Bawrhsap hian Revenue Department pawmpui tura thawn a nih hma in felfai taka thil tih a nih theih nan amah ngeiin a hmunah kal chilhin a endik a ni.
Bawrhsap hi Project Director, Project Implementing Unit, Mizoram PWD Office a\angin Executive Engineer leh SDO-in an \awiawm a, Revenue Department a\angin Serchhip ASO leh Surveyor ten an \awiawm bawk a, Thenzawlah hian Thenzawl SDO(C) leh Village Council member ten ruahmanna siamin an lo dawngsawng a ni.