Zothlifim Logo
Loading ...

Serchhip February 4, 2013: PRISM chuan Chalfilh bial MLA Bye Election neih tura Mizoram Pradesh Congress Committee (MPCC) Candidate Dr Ngurdingliana chu thlâk leh turin MPCC President leh CM nibawk Lalthanhawla an ngen a, an thlak lo a nih chuan a tlin loh theih nana hma an lak tur thu an sawi.

PRISM vs Congress
PRISM vs Congress

Inrinni khan PRISM

chuan thuchhuah siamin, Dr Ngurdingliana hi kum 2003 MLA General Election khan Suangpuilawn Constituency-a candidate \henkhat a lema kidnap-ah khan kidnap anga lang zingah a tel avangin candidate loh an duh a, chuvang chuan thlak leh turin MPCC president hnenah hian ngenna an theh lut tih an sawi a, an thlak lo a nih chuan a tlinloh theihnan an theih ang angin hma an la dawn tih an sawi a ni.

PRISM chuan Mizoram Politics hi thianghlim tak a kalpui a nih theih nan kum 2007 a\ang khan National Election Watch zawmin hma an lo la tawh tih an sawi a, Eiruk hmang leh tenawm taka Politics khel duh chi chu tumah ding lo se an duh a, party tin ten mi\ha leh ram hruaitu atan pawha tlak tur ngei an candidate theih nan an theih ang tawk in hma an la zel dawn a tih an sawi a ni.

Inrinni vek khan PRISM chuan Mizoram State Election Watch Committe nen Chalfilh bial Bye Election lo awm tura Election Watch kalpui turin inremna an siam a, Bye election-ah hian Scrutiny-ah inrawlh an tum thu leh Candidate tin ten Self Declared Affidavit pawh dik takin tise an duh tih an sawi a, a diklo file chu candidate a\anga tlak tawp theihna a ni tih hre tura an duh thu an sawi bawk.

Tun thla ni 23-a Chalfilh bial bye election neih tura chuh tum zinga mi 3-in Inrinni thleng khan nomination an thehlut tawh a, Election Returning Officer Pu A Biaklawma sawi danin BJP candidate Pu C.Ramkinlova chuan Inrinni khan a hming a pelut a, Zirtawpni khan MNF Party candidate Pu Lalvenhima Hmar leh Independent candidate Pu R.Lalrohlua te’n an hming an lo pe lut tawh bawk a ni.

Tun thlengin he inthlannaa chuh tum mi 7-in nomination paper an lachhuak tawh a, an zingah hian independent-a chuh tum 2 leh State pawn Bihar-a Lok Janshakti Party candidate tur te an tel a, hetihlai hian, an candidate tur puang tawh ZNP chuan nomination paper an la lachhuak ve lo a ni.