Zothlifim Logo
Loading ...
Mizoram NewsMizoram News

Kumhlui thlah zan a\anga chin hriatloha bo Aizawl Zarkawt tlangval Lalnunmawia Zadeng (Mawitea) chu niminpiah chawhnu dar 3:30 vel khan Falkland huamchhungah thi a hmuh a nih hnuah hemi chungchang hi police ten an chhui zui a, nimin khan amah thattu ni a rinhlelh Police ten an khawm a, an zingah hian Mawitea Scooty lo kawltu leh Mawitea thattua puh, Vanramropuia Thuampui Veng pawh man a ni a, a ni hi a inpuang tawh nia sawi a ni.

Scooty hi Thuampui vengah nimin tlai dar 4pm vel khan hmuh a ni a, a Number plate chu pawtthlain, lehkha in number dang, MZ 01 K 3085 bel a ni a, Ropuia hian a tih ngei anih thu a sawi niin thulakna chuan a tarlang a, amah hi thu zawhfiah anih hnu-ah central jail-ah dahthlak nghal a ni.

Ropuia hian Mawitea a thah chhan ni a a sawi chu Mawitea nen hian zu in dunin, an zu in zo chu Mawitea hian a phone ru-ah a puh a. Hei vang hian Ropuia chuan Mawitea chu a khawih ta a, a lo khawih na deuh chu a thih tak si avangin a jacket-a a lu chu khuhin, a phone, wallet leh thil hlu dang chu la-in a kalsan ta a ni. A scooty pawh hi lâksakin, number dang a bel a, mi bulah chuan a bialnu scooty kawl angin a insawi niin thulakna chuan a tarlang bawk.