Chief Minister Pu Lal Thanhawla’n tunlaia sualna rapthlak tak tak thleng \hin chu sawrkarin tihreh tumin theihtawp a chhuah zel dawn a ni a ti. Inrinnia Republic Veng-a Pu Sangliansiama te chhung-kaw vuinaah he thu hi Chief Minister chuan a sawi a, he chetna rapthlak tak thleng hi pawi a tih thu a sawi a ni.
Home Minister Pu R Lalzir-liana chuan, vanduaina tawk chhungkua a tawrhpui takzet thu sawiin, hetiang thil hi thleng tawh lo se an duh hle tih a sawi a, hetihlai hian mi\henkhat a hmun thleng hmasa mitthi awmdan a ngai ngaia an thla laa internet-a post ta mai chu a \halo tih thu leh, an chhungte tan leh hmeichhe tan pawh hmuh nuamlo a ni a, chin zui chi a ni lo a ti.
He thil thlengah hian mi zawng zawng an thinrim tlang vek a, amaherawhchu thisual-titu police ten an man tawh sa, khatianga phuba lak duhna rilru nena a huhova beih chiam chu thil \halo tak a ni a ti a, tun hnuah ti leh tawh lo tura mipuiin an inzir a ngai a, Pathian chuan phuba reng reng la suh u, keima lak tur a ni e a ti a, Pathian thu awiha dan zawm thiam a ngai e a ti. Hemi zana innawrbuaina thleng hi Mizo zia a ni lo a, Mizo chuan \hian chhan thih ngam an ti a, amaherawhchu bel-chhunga sa ni tawh reng chunga hmalak tumna chu a inletling hlauh a, mipui ten awmdan dik kan zir a ngai a ni a ti.
Hetihlai hian, Republic Veng YMA President Pu R.Vanlal-sawma chuan pawikhawihtu hi engvanga hetianga che vak mai nge a nih tih chu Republic Veng mipui hriat duh a nih thu leh police ten rang taka chhuifiah sak tura an duh thu a sawi bawk a, an chhiat tawhnaah veng dang \awiawmna an dawn zawng zawngah lawmthu a sawi a ni.