Zothlifim Logo
Loading ...

PRISM chuan thuchhuah siamin Mamit District-a West Serzawl khaw bul lawka PWD siam leh enkawl Bailey Bridge chu a thir zawng zawng rukbo vek a ni tih a hmuna enin an finfiah tih an sawi.
PRISM thuchhuah chuan West Serzawl bul lawka Bamboo Link Road-a Paihper Lui a bailey bridge chu mitu ten emaw an ru nia report an dawn bawhzuiin January ni 17, 2015 khan a hmunah thil awm dan an enfiah a, a lo bo ngei tih an chian niin an sawi a, he leilawn rutu te zingah hian PWD Staff te pawh an tel ngei nia an hriat thu an sawi bawk.

He leilawn hi MNF sawrkar laia dawh a ni a, an hnathawh a \hat loh avang leh bill la vek tho sia hna thawk zo lova, a chhuat an phah loh avangin a tir a\angin zawh theih lohin a awm a, Congress sawrkar hnuah a thlangah culvert hmangin a hêlna siam a ni a, nikum (2014) khan leilawn thir zawng zawng hi rûk fai vek a ni tih sawiin, nimin khan he thil chhuichianga a \ul anga action lâk a nih theihnan PWD E-in-C hnenah lehkha an thehlut tih an sawi bawk.