Mizoram pawna Zofate awlsam zawka Mizorama an chên theih nan MZP in hma lâk tum

Mizo Zirlai Pawl (MZP) rorelna sâng ber dawttu (Federal Council Sitting) vawi 44-na, Ningania Bairabi North YMA Hall-a ṭhukhawm chuan ‘Mizoram pawna Zofate awlsam zawka Mizorama an chên theih nan MZP in hma la rawh se’ tiin an rel.
Federal Council Sitting hi Pu Lalsangzuala Ngente, Vice President in a kaihruai a, L.Ramdinliana Renthlei General Secretary in pawl hmalakna hrang hrang report a pe a, an thu pass zingah hian Mizo-rama zirna in hrang hrangah hnamdang dan lova lo lut te admit an nihlohna turin admission tih dawnah document hrang hrangte thil tel a nih theih nan MZP in hma la rawh se tih te, Mizoram University (MZU) hnuaia exam hrang hrang result chu hma zawka a chhuah theih nan MZP in hma la rawh se tih te, Mizoram school ṭhenkhatin result ṭha neih an duh vanga an zirlaite zirtur ni lo course an zir lawk tir ṭhin chu tihtawp a nih theih nan MZP in hma la rawh se tih te, Mizoram University kan neih chhunah seat indaihlohna a nasat avangin College chang-tlung saah Post Graduate zirna hawn a nih theih nan hmalak ni rawh se tih te, Mizo Zirlaiten Mizo ṭawng bakah English leh Hindi uar zawka an zir theih nan MZP in hmala rawh se tih te, Mizoram Sawrkar enkawl Sikul hrang hrangah zirtirtu rualkhai zawk a an awm theih nan Mizo-ram Sawrkarin Zirtirtu Transfer and Posting rules siam ṭha rawh se tih te leh Mizoram sawr-karin Birth Certificate, Tribal Certificate leh Residential Certificate dik leh felfai tak a pek chhuah theih nan MZP in hma la rawh se tih te a tel a ni.

Federal Council Sitting-ah hian rorel palaite chuan ‘Mizo zirlaite tan hnamdang nupui/pasal a nei lo tura inzirtirna leh intiamkamna ni siam ni rawh se,’ tih resolution chu lungrual takin an pawm bawk.