Mizoram Consumers Union (MCU) chuan tunhnaia Mizoram Cable TV Operators & Distributors Association (MICODA) ten Cable TV thlakip fee `200/- a\anga `250/-a a tihpun chungchang an thlirho a, MICODA hruai-tute nen hun remchangah la sawiho nise an ti.
MCU chuan Cable TV thlakip fee `250/- a a tihpun chu Telecom Regulatory Authority of India (TRAI) rate siam nen inmil loa an hriat thu an sawi a. Hetihlai hian MICODA President, PC Lalduhthlanga chuan, TRAI-in rate a bithliah dan chu Cable TV Operarator ten Free to Air channel an pek tur zat leh chumi man tur zat bithliahna mai nia sawiin, Mizoramah chuan mipuite duh dan angin Channel pek chhuah zawng zawng deuhthaw Pay Channel vek a nih thu a sawi a. Mizote en duh zawng pay channel te hi a man a sân hlawm avangin tuna channel en tlang lawnte hi DTH a\anga en tur pawhin `300/- vel sen a ngai niin a sawi thung.
MCU thukhawm hian taxi rate sang leh âr man tunhnaia tihpun chungchang an thlirho nghal a, Sawrkarin taxi rate a siam pawisa lova taxi driver ten an duh hun huna rate an tisang chu \halo an tih thu sawiin, taxi neitu leh driver te pawh sawrkar rate siam zawm turin an ngen.
Nikum kum tawp lamah Ar vulhtuten Mizoramah âr a tam tawk tia phai a\anga Ar lut dang tura sawrkar an ngen thu leh hei vang hian Trade & Commerce Deptt. in Ar lakluh a khap thu te, Ar vulhtu leh Arsa zuar ten Arsa man a to phah lovang ti reng chung si a `200/- a\anga `220/230-ah an tisang chu MCU chuan pawi a tih thu sawiin, dan behchhan awm si lova mi tlemte ham\hatna tur leh mi tam zawk tawrhna thlen thei tura department hmalakna awm \hin chu pawi an tih thu an sawi bawk.