Zothlifim Logo
Loading ...

West Ham chuan an defender hlui, Slaven Bilic chu an manager thar atan an lalut ta.
Kum 46 mi, Bilic hian season liamtaa Premier League-a 12-na nihpuitu leh thla hmasaa inhriatthiamna nena an chhuahtir tak, Sam Allardyce hmun ruak a luah dawn a ni.

Bilic hian kum 1996-97 inkar khan West Ham tan hian vawi 54 alo khel ve tawh a, tunah hian Upton Park-ah kir lehin kum 3 chhung enkawl turin inremna an ziak a ni.

Bilic hian Croatia national team chu kum 6 a enkawl tawh a, Croatia a enkawl lai hian Euro 2008 qualifiers-ah khan England chu ṭum 2 a hnehpui nghe nghe a, hemi hnu hian Lokomotiv Moscow leh Besiktas a enkawl leh a, May thla khan Besiktas hi a chhuahsan a ni.

Bilic hian Besiktas hi kum 2 a enkawl chhungin league title a chawipui lova, season leha Champions league khel tur pawhin a tlinpui lo bawk a, 2012-13-a Lokomotiv a enkawl pawh khan 9-na nihpuiin, kum 1991 hnu-a an season hmanṭhatloh ṭum ber a hmanpui a ni.