Olympic Gold Medalist Mary Kom chanchin chu ‘Mary Kom Jr.’ tiin Cartoon-in siam a ni dawn.
Kum 32-a upa, boxer Mary Kom hian he film siamtu tur Screen Yug creation Pvt. Ltd nen he film tichhuak tur hian thawhdunna thuthlung an ziakfel tawh a, Mary Kom chuan he film siam a duh chhan chu hmeichhe naupangten mahni inrintawkna leh chakna an neih theihna a nih a beisei vang a ni tih a sawi a, he film hi TV series turin ScreenYug leh Aditya Horizons te chuan an siam dawn a ni.
He film producer tur Ashish S.Kulkarni hian “Little Krishna”, “Shaktimaan”, “Krishna Aur Kans” leh “Big Bees” te pawh alo siam tawh a, an inrem dan chuan Mary Kom hian he film hralhna mai bakah hian nakina sumdawnna dang atana an hmanna tur, a thawnthu bu, e-books, games, comics thil dang dang aṭanga sum an lakluh aṭangin chan a nei ve dawn a ni.