Kum 2008 sawrkar kum a\anga nikum December thla inkar khan Mizoramah lirthei chetsualna chi hrang hrang \um 509 a thleng a, heng chetsualnaah hian mi 345 an thi a, mi 991-in hliam an tuar a ni.
Aizawl SP (Crime) chhinchhiah danin, kum 2011 April thla leh nikum December thla inkara lirthei chetsualna thleng zat chu a hma, kum 2008 leh 2011 sawrkar kum chhunga kumtina lirthei chetsualna thleng zat nena khaikhinin a pung chho hle a. Lirthei chetsualna hi kum 2008-2009 sawrkar kum chhung khan \um 106 thlengin, mi 56 an thi a, hliam tuar mi 177 an awm a, kum 2009-2010-ah \um 116 thlengin, thi 78 leh hliam 238 an awm a, kum 2010-2011 sawrkar kum chhung khan lirthei chetsualna \um 100 thlengah mi 88 thiin mi 289 hliam tuar an awm a, heng kum hmasa lama kumtina chetsualna te hi nasa taka khumin, kum 2011 April thla leh nikum December thla inkar khan Mizoramah lirthei chetsualna \um 187 a thleng a, heng chetsualnaah hian mi 123 thiin mi 347-ten hliam an tuar a ni.