Zothlifim Logo
Loading ...

Supermodel Cindy Crawford chuan tun thlaa Modelling aṭanga châwl tur anga report awm chu a diklo tih a sawi a, châwl turin thutlukna a la siam lo tih a sawi.
United Airlines magazine Hemispheres chuan kar kaltaa interview an neihnaah February ni 20-a kum 50 a tlin hunah Modelling a chawlhsan tawh dawn tih a sawi niin a tarlang a, mahse Crawford chuan Thawhṭanni khan a Instagram page-ah “headline zawng zawng hian thawnthu pumpui a sawi chhuak lo” tiin a update a, “Kumtin hian ka fate hnenah ka châwl dawn tih ka sawi reng a. Chu chu kan chhungkuaa fiamthu kal lai mek a ni. Kumtinin min tiphûr thei tur mawhphurhna a lo chhuak ve reng si a, thutlukna hnuhnung hi a la siam theih tak tak loh a ni,” tiin a ziak a ni.

Crawford hi 1980s leh 1990s chho-a supermodel ṭha ber te zinga mi a ni reng a, kum 15 kalta aṭang khan full-time modeling hi chu a chawlhsan tawh a, tunah hian French fashion house Balmain’s spring/summer 2016 fashion campaig-a tel turin a inpuahchah mek a, hetah hian veteran supermodel Naomi Campbell leh Claudia Schiffer te pawh an tel dawn a ni.