HPC(D) Chairman, Pu H. Zosangbera chuan HPCD Demand Area-a YMA \hiah chu YMA leh mipuite duh dan niin a sawi.
HPC(D) leh Central YMA hruaitute hi Ningani khan inkawmin Zosangbera chuan, an politics khelhah CYMA chu an hnawk deuha a lan avangin YMA chu an \hiat ta niin a sawi a, hei hi an Demand Area chhunga mipuite leh YMA duh dan nia sawiin, YMA chu haw lo mahse inhnialpui atan an duh niin a sawi bawk. Mizoram chhungah YMA ep zawnga pawl din an khap nia sawiin, an politics khelha thil \ha zawk a chhuah theih nan an demand area-a YMA chu an \hiat ta phawt niin a sawi.
Central YMA hruaitute hian, Mizoram sorkar leh HPC(D)-te an inrem tawh chuan an Demand Area chhunga YMA din leh chu an remtih thei tawh em tih an zawhnaah Zosangbera chuan, amah chu HPC(D) Chairman ni mah se, Jail-a a awm daih avangin thu-neihna chu a thawhpuite kutah a dah niin a sawi a, a tan chhung-in CYMA leh a thawhpuite chu an inbe tura a ngaih bakah, sorkar nena an thuthlung ziah chungchangah pawh a thawhpuite kutah engkim a dah avangin YMA din leh din loh pawh an kutah a awm niin a sawi a, Central YMA hruaitute chu a thawhpuite chu lo be turin thurawn a pe a niin thulakna chuan a tarlang.
H. Zosangbera chuan, YMA-ah hian mikhual a ni lo tih sawiin, YMA Branch leh Joint YMA President pawh a nih tawh thu te, YMA leh HPC(D)-te inhua anga an lang fo mai chu pawi a tih thu leh na a tih thu pawh a sawi a, Central YMA hruaitute pawhin YMA leh HPC(D)-te chu inep zawnga kal lo a, thu khat vua-a kal tlan an duh thu an hrilh bawk.