China chuan India-in Doklam aṭangin a sipaite a lak chhuah vat loh chuan Kashmir an beih mai tur thu a sawi.
Tunlai hian US leh North Korea te boruak hi chhe viauin lang mahse, India leh China inkar boruak ah pawh hian buaina namen lo a chhuak mai thei a, China Ram hruaitu lu-te chuan India hi vau rengin, China chuan India-in a sipaite Doklam-a a dah chu a tisual der a ni a ti. Senior Colonel, Zhou Bo chuan China-in an ram chinah an sipaite an dah ve mai thu a sawi a, China chuan India in Doklam atanga a sipaite a lakchhuah loh chuan a hriatthiam loh tur thu leh, India Hmar lam state a beih mai tur thu a sawi a, Y Senior Colonel Zhao Xiaozhou, Director, Centre on China-America Defense Relations pawhin ralthuam hmanga chinfel mai a ngai anih pawhin an huphurh loh thu a sawi ve bawk.
United States chuan India leh China chu tunlaia an thubuai Sikkim ram hrul Doklam-a India in sipai a dah chungchang leh, china in a ram anga a chhal chungchang chu ti tawp turin ram pahnih te hi a ngen a, US chuan India leh China chu a thiantha ram veve an nih avang leh khawvela sipai neitha ram veve an nih avangin, an inkara innghirnghona chu titawp turin a ti a, Ram pahnih chungchang ah hian Washington-ah ram pahnih aiawhte hi kawm a tum nghe nghe.
Doklam-a buaina hian ni 50 vel a awh ta a, hemi chhung hian ram pahnihte inkar boruak hi a sosang hman hle a, helaia buaina lo chhuah chhan ber ni-a lang chu Chinese People’s Liberation Army ten helai rama kawng sial an tum vang a ni.