Zothlifim Logo
Loading ...

Ngur Branch YMA leh Sub-Hqrs. YMA Champhai ṭangkawpten niminpiah tlaia an man, Pseudoephedrin Mum ṭhahnem tak chu nimin khan Champhai District Session Judge Pu R.Vanlalena’n a halral.

Ngur khaw kaltlanga Myanmar ram Ngente kaia lakluh tur ni ngeia hriat, Pseudoephedrine Mum 7,80,000, tualchhung hralhnaa chhûtin Cheng Nuai 117.60 man chu niminpiah chawhnu khan Ngente (Myanmar) kai ṭiau kam Zilhri phai-ah Ngur Branch YMA hruaitute chuan hmu-in, Sub-Hqrs. YMA Champhai hruaitute an hrilh hnuah a neitu chângin, senghawitu an chan chhuah mai loh avangin nizan hmasa khan Sub-Hqrs. YMA Cham-phai chuan a senghawi ta a ni.

He ruihhlo vênga YMA hruaituten nizan hmasaa an tlaivarpui hnuah sawrkar lama thubuai ziaklut lova tihral mai ṭhaa an hriat vangin nimin chawhnu khan Sub-Hqrs. YMA Champhai President Pu C.Lalbiakzauva kaihhruaina hnuaiah District Session Judge Pu R. Vanlalena chuan YMA Office tual Tlangrawt-ah a halral ta a ni.