Zothlifim Logo
Loading ...

Serchhip District Magistrate te hian a khât tawkin Serchhip District huam chhunga hman turin mimal leh vantlang hmuna mihring ran vulh (Ui, Ar, kel etc) chhuah khapna thupek an lo tichhuak tawh ṭhin a, tin, VC hrang hrangte pawhin an huam chhungah ran khuahkhirh hi an kalpui ṭhin bawk a, hetianga ran khuahkhirhna thupek chhuah hi khaw chhung alo thianghlim zawk nan leh mipuite hriselna vawn ṭhatna atana tih a ni ṭhin a ni.

 

Ran khuahkhirhna thupek chhuah ngun a nih tawh ngaihtuah hian mipui lam te hian ran (a bikin ui) khuahkhirh kawngah hian hma kan sawn mawh hle mai a, District chhung thingtlang khuaah te chuan ran khuahkhirh hi la har deuh zawk pawh nise khawpuia inchhâl ve tawh, District Hqrs.-a khawlai kan ran vulh tla vel hmuh tur la awm fo mai hi thianghlimna leh hriselna atan a ṭhat loh bakah mipuite himna atan pawh a ṭha lo hle a, mihring ran vulh te hian mihring tana hlauhawm hri ṭhalo tak tak an pu darh thei a, ui a seh phei chu a hlauhawmzia mitin hriat a ni.

 

Hei vang hian ran vulhtute hian kan ran vulhte hi kan ṭhenawm khawveng leh midang tan hnawksak an nih bakah midangte hriselna tichhe thei an ni tih hria a, kan ranvulh te khuahkhirh nachâng kan hriat a pawimawh a, ran khuahkhirhna thupek chhuah loh lai leh ran khuahkhirh tura sawrkar leh khawtlang hruaituten hma an lak loh lai pawh mahni ran vulh khuahkhirh nachang lo hriat hi a finthlak a, a changkang em em bawk a ni.