Mizoramin khuarel chhiatna – leimin leh tuilian a tawrh ṭanpui nan Chin Hills-a Zohnathlak tlawmngai pawl hrang hrang intelkhawm, Chin Relief-Rehabilitation and Community Foundation (CRCDF) chuan Central YMA kutah Rs.7,31,700/- an hlan.
Falam aṭanga lo kal CRCDF hruaitute hian ṭanpuina tangka fai hi niminpiah khan Central YMA President kutah an hlan a, ṭanpuina hlan tur hian Chin Hill aṭangin mi 8 an lo kal a, nimin zing khan Chief Minister Pu Lal Thanhawla Inah lengin Pu Lal Thanhawla chu Mizo hnam aiawhtu leh hotu nih tlin a nih avanga an thlamuanpui thu an hrilh a, thlavang hauhsak an ngaihna laia a lo ṭanpui ṭhin-naah lawmthu sawiin, insum-dawn tawnna leh ruihhlo lo hluar ta do kawngah te thawh-ho dan tur an sawipui a, Falam hnam puan an pe bawk a ni.