Kuminah in kang 68 awm tawh

Kumin chhungin Mizoramah In 68 a kang tawh a, ram kang hmun 156- ah
report a awm tawh a, March thla thleng khan kangmeiin a tihchhiat hlut
zawng hi cheng nuai 136.30 a tling tawh.

Fire & Emergency Services in an record danin kumin January thla khan
In kang 18, ram kang 12, thil dang kang 6 a awm a, mi 2 in nunna an
chan a, mi 1 in hliam a tuar a. Kangmeiin a tihchhiat hi `46,53,100/-
a ni a, kangmei lak atanga an humhim hi `102,65,400 hu a ni a.
February thla khan In 14 a kang a, ram kang hmun 35 ah awmin thil dang
kang 3 a awm a, kangmeiin a tihchhiat hlut zawng hi cheng nuai 36.7 a
ni a. Kangmei lak atanga hum hi cheng nuai 28.56 hu a ni a, March
thlaah In kang 12, ramkang 39 leh thildang kang 3 a aawm a, kangmei
avanga nunna chan 1 awmin kang-meiin a tihchhiat hlut zawng hi cheng
nuai 53.07 man hu a ni a, kan hman lai mek April thlaah hian In kang
24 awm tawhin ram kang 70 report a ni a, thi leh hliam an la awm lo.

Kum 2010 chhung khan In kang 37, ram kang 145 leh thil dang kang 19 a
awm a, mi 5 in nunna an chan a, mi 9 in hliam an tuar a, kangmeiin a
tihchhiat hlut zawng hi `249,89,450/- a ni a. Kum 2011 chhung khan In
kang 34, ram kang 80, thuil dang kang 8 a awm a, nunna chan 2, inhliam
1 an awm a, `229,96,600/- man hu a kang chhia a. Kum 2012 ah In kang
157, ram kang 108, thil dang kang 67, nunna chan 6, hliam tuar 15 an
awm a, `180,29,96,350/- man hu a kang chhia a ni