Barcelona-in Liverpool playmaker Philippe Coutinho manah Euro 200m (£183m) an phût nia an sawi chu Liverpool chuan an pha.
Barcelona director Albert Soler chuan Zirtawpni-a Spanish Transfer window tawp ni khan Reds hian hetiang man zat hi an chhiar niin a sawi a, a hmaah hian Liverpool hian Barcelona-in ṭum thum an dawrna an hnar a, £72m, £90m leh £114m velin Barca hian an dawr a, Liverpool chuan kum 25 mi, Coutinho hi zawrh lai a ni lo tiin an hnar zel a, Soler chuan, “Liverpool hian 200m an chhiar a, chhia leh ṭha hriatna aṭangin kan pawm thei lo a ni,” tiin a sawi a, “Player-in a theihna a chhuahnaah kan lawm a, kan tana a khelh duhzia a tilang kha a lawmawm,” a ti.
Liverpool chuan Coutinho mana Euro 200m an phût nia Barcelona-in an puhna hi a diklo hul hual tih an sawi thung a ni.