Zothlifim Logo
Loading ...

Serchhip Block Congress chuan an huam chhunga Unit hrang hrangte tlawh chhuah tumin hma an la mek a, nimin chawhnu dar 1 khan Unit tlawh chhuah kal mekah Pu F.Malsawmtluanga te in Leisang Vengah hun hman a ni.

Nimina hun hmanna, Pu Vanlalhmuaka Block EM kaihhruaiah Serchhip Block Congress President Pu PC Vanlalsawma chuan kan nihna hi Pathian rawng kan bawlna a ni a, rinawm hi malsawm dawn-na a ni a ti a, kan hun kal tawh aṭangin politician rintlak, zui tlak leh tlak loh thliar hran thiam a pawimawh a ni tiin, party leh NGO a hruaitu kan nihna te hi midang tana kan thawhna tur niin, rinawm takin Congress-ah awmin ṭhahnem ngai takin thawk ila, chu chu ram leh khaw-tlang tan bakah hian mahni tan pawh a ṭha a, mahse mahni pumpui puar nan chauha thawhna tur hmun a ni lo a ti.

Nimina kalkhawm te hi BCC hruaitute bakah Leisang, AOC leh Bazar unit a mi te an ni a, Block President bakah hian Vice President Pu R.Van-laldula, Joint Secretary pahnih Pu Lalthlanthanga leh Pu Ramherliana te pawhin thu an sawi a, Block Secretary Pu PC Zairemmawia leh kalkhawm Unit 3 President ṭheuh ten report an pe a, Unit tinah Congress dinhmun a ṭha lawr lak tih an sawi a ni.