Zothlifim Logo
Loading ...

Premier League hmahruaitu Manchester City chuan hnehna an chang zel a, hetihlai hian anmahni ûmtu ber Manchester United erawh an chak zo lova, Premier League Champion Chelsea pawhin chak ni hmel an hmu ve leh ta.

Manchester City 3-0 Burnley

Manchester City chuan goal an khung mawlh mawlh mai a, Inrinni zana Burnley an mikhual ṭum hian Sergio Aguero chuan penalty aṭangin goal hmahruai a khung a,Aguero hian City tan goal 177 a khung ta a, Eric Brook-a record chu a nihrualpui ta a ni. Nicolas Otamendi chuan Leroy Sane corner pet ṭtha zet chu a tauh goal. De Bruyne through ball tha tak chu Sane chuan goal-ah a chantir bawk a ni.

City hian a zawnin competition hrang hrang game 11-ah hnehna an chang ta a, inkhelh zawhah Manchester City manager Pep Guardiola chuan a zawna game 11 an chak chu lawmawm a tih thu leh chhunzawm zel an tum thu a sawi.

 

Huddersfield 2-1 Manchester United

Phil Jones inhliam chu Victor Lindelof chuan a thlak, hemi hnu lawk hian United chuan an tihsual aṭangin goal 2 an chhuah. Minute 28-ah Juan Mata tihsual chu Tom Ince chuan tlanpuiin box chhung a thlenpui hnuah a shot, David de Gea chuan a lo dang a, hemi per hi Aaron Mooy chuan a pet goal a. Minute 33-ah Lindelof chuan ball a tauh per mai dawn emaw tih laiin ho takin a tauh thelh, Laurent Depoitre chuan goal-ah a chantir ve leh a, 2-0-in Huddersfield-in hma an hruai.

Manchester United chuan an siphurh rulh tumin theih tawp chhuah mahse chance hlauhawm an insiam hleithei lo. Huddersfield goalkeeper Lossl chuan hna a nei zauh zauh, United chuan minute 78-ah Marcus Rashford hmangin goal khat an khung ve hram a, an siphurh erawh an sut zo thei ta lova, kum 60 hnuah Huddersfield chuan United an hneh ve leh ta a ni.

 

Chelsea 4-2 Watford
Chelsea-in Pedro hmangin minute 12-naah goal hmahruai thun mahse Watford tan Abdoulaye Doucoure (45+2) leh Roberto Pereyra (49)-ten goal thunin hma an hruai ta zawk a, minute 71-naah Michy Batshuayi chuan Chelsea si phurh a rul thei chiah a, hun tawp dawn minute 87-ah Cesar Azpilicueta chuan goal thunin Chelsea hi hma a hruaipui zui a, injury time, minute Barshuayi chuan Chelsea chakna nem nghet turin goal a thun leh a, 4-2-in Chelsea chuan hnehna an chang ta a, Chelsea chu an chak ta a, Chelsea chuan point 16 neiin Table-ah 4-naah an kaisang a ni.