Zothlifim Logo
Loading ...

October ni 16 aṭanga ni 22, 2017 chhung hian Aizawl khawpui chhung Salvation Army hnuaia Band leh Songsters te, Territorial Staff Songsters, Territorial Staff Band, Central North Division Songsters leh Central South Division Songsters te chuan midang tana penchhuak a, thil ṭha tih nan OTHERS WEEK an hmang.

October ni 16 Thawhtanni zingah Sumo chhuahna hmun hrang hrangah insem darhin sumo a zin chhuak turte prayer card pek leh ṭawngṭaisak bakah an thawmhnaw te a theih ang ang load puiin hun hman a ni. October ni 17 (Thawhlehni) ah Aizawl Bazar Corps ah Blood Donation Camp an nei a, mipa 41 leh Hmeichhia 10 ten thisen unit 51 mamawhtu te tan an pe a ni. October ni 18 (Nilaini) ah thenawm khawveng te electric bill/tui bill/phone bill pek sak an ni a. October ni 19 ah Salem veng Anganwadi Centre rawnghnawih thatsak leh chei that hnatlang an nei. October ni 20 Zirtawp zan khan Bazar hmun hrang hrang a thute tanpuina hna thawka fehchhuah a ni. He hunah hian a tul dan angin an bungrua te thiar pui a ni a, eitur an sem nghal bawk.

Inrinni khan Salem vengah kum upa lam tan Free Clinic neih a ni a, nimin Pathianni chawhnu dar 2:30 khan OTHERS WEEK khar na’n Dinthar kawnah mual inkhawm an nei a ni.