Zothlifim Logo
Loading ...

September ni 21-a Lunglei Venglaia India hnam puanzar hâl a ni chu Presbyterian Kohhran Mizoram Synod chuan pawi an tih thu an sawi

India hnam puanzar hal chungchangah Mizoram Synod chuan thuchhuah siamin, an kohhran mite zingah India hnam puanzar (national flag) hâl an awm chu pawi an tih thu an tarlang a. An kohhran mite chu ram tana rinawm taka awm tur leh sorkar hruaitute zah a, mawhphurhna tha taka hlen turin an ngen a. Hnam Puanzar (National flag) hâl chu India danpui zahlohna lian tak a nih thu tarlangin, “India ram khua leh tui kan nih avangin hnam puanzar hi a hluin kan zah tur a ni a. Kan kohhran mite chu khua leh tui tha a ni tur a ni tia inzirtir reng kan ni” a ti.

Synod thuchhuah chuan, khua leh tui tha ni tura kohhran mite an inzirtir reng laia sorkar pawi khawihna lian tak, hnam puanzar hâl a ni chu an dem tak zet thu a tarlang a; tun hnu-ah thleng tawh lo se an duh thu a tarlang bawk. Puan tawh angin, Hnam puanzar hal leh tihnawmnah khapna dan, Prevention Of Insult to National Honour Act, 1971 Section II leh Indian Penal Code hnuaia dan ding laite tlawh chhanin mi 7 man an ni a, tunah hian Bail a chhuah vek an ni.