Zothlifim Logo
Loading ...

Nimin khan Serchhip District Election Officer Sangchhin Chinzah chuan a pisa-ah Special Summary Revision of Electoral Roll, 2019 Final Roll chu a tlangzarh a, Roll fel fai tak kan neih theih nana thawktu leh thawktute lo puibawm thintu tlawmngai pawl te chungah lawmthu a sawi bawk.

Sangchhin Chinzah chuan democracy ramah chuan mipui-ten roreltute dik leh fel taka an thlan theih a ngai a. Chumi atana hna pawimawh hmasa chu vote thlak thei tur khua leh tui dik tak chhinchhiah fel hi a ni. Election Commission ruahmanna angin kumtin he hna hi kalpui niin Booth Level Officer te, Election Branch-a thawktute leh ERO leh AERO ten an buaipui a, tlawmngai pawlten an pui bawk. Chung miten tha taka an hnate an thawh thin vangin vawiinah pawh Roll thar fel fai tak kan lo nei leh ta a, thawktute inpeknaah lawmthu ka sawi tak zet a ni, a ti a. Roll thar hi Political Party te hnenah a hlan nghal a ni.

lectoral Roll Final, 2019 a Serchhip District dinhmun tlangpui chu hetiang hi a ni. 26- Serchhip ST (AC) ah voter 18,227 awmin an zinga 8,630 chu mipa an ni a, 9,597 chu hmeichhia an ni. 27 Tuikum ST (AC) ah voters 15,803 awmin an zinga 7,864 chu mipa niin a dang 7,939 chu hmeichhia an ni a, 28 Hrangturzo ST (AC) ah voters 15,780 awmin an zinga 7,844 hi mipa an ni a, a dang 7936 hi hmeichhia an ni thung. Heng bial pathumah hian mipa aiin hmeichhe voters an tam zawk vek a ni. District pumpuiah Service Voters hi 343 an awm a, an zinga 341 hi mipa niin hmeichhia 2 an awm bawk. Tichuan District Total voters hi 50,153 awmin an zinga 24,679 hi mipa an ni a, hmeichhia hi 25474 an ni bawk.

Electoral Roll hi a tul ang zela thun belh leh siam that (continuous updation) kalpui chhunzawm zel tur a ni bawk a ni.

Nimina Final Roll tlangzarhna ah hian ERO leh AERO te, Election Officer Pu Vanlalhmachhuana, MCS te, Political Party hrang hrang aiawhte, tlawmngai pawl aiawhte leh chanchinbumite an tel a ni.