ZNP chuan vawiin hian Aizawl khawpui chhungah Zoram Saltang Chhan-chhuahna tih thupuia hmangin Kawngzawh huaihawt an tum tih an sawi a, kawngzawh neih turah hian sawrkar kal tawh emaw sawrkarna chelh mek emaw beihna lam tihlan a ni dawn lo tih sawiin, Zoram Politics-ah Pathian ram lo thleng rawhse tih chu an thupui ber tur niin an sawi.
Nimina an party thuchhuahah ZNP chuan tunlaia hmunphiah chingtute hmunphiah state pawna hralh tur Vairengte Check gate-a dan ani chu tute emaw ham\hatna dawn tir tuma sawrkar hmalakna nia an ngaih thu an sawi a, hmunphiah chungchanga buaina a hmuna enfiahturin party mite Vairengte-ah an in tir tih sawiin, hmunphiah chingtute’n sorkarah Royalty leh chhiah chi hrang hrang chawi tur an pek vek hnu leh Transit permit an pek ngeite pawh chhuah chuang lova Gate-a dan an ni chu mipui zah lohna leh hmunphiah chingtute tawrhtir pawi tih lohna a ni an ti a. Kuthna-thawktute’n a to zawka hralh-na an hriat reng laia tlawm zawka hralh tir tuma sawrkar a che chu an dem tih an sawi a ni.
State pawna a to zawka hmunphiah hralh tum, tunhnaia Vairengte Gate paltlang luitute laka FIR thehluh a ni pawh an dem tih sawiin sut leh ngei turin an phut a, kuthnathawktute thlavang chu a tawp thlengin an hauh tlat dawn tih an sawi.