Vairengte Gate paltlanga State pawna hmunphiah hralh nimin khan sawrkarin a phal.
Nimin khan Kolasib District chhunga Hmunphiah Leikhawmtuten Hmunphiah Rate sânga an hralh na tur Hnam chhantu Pawl-in an dan chungchang ah Kolasib Rengtekawn VC House ah an inhmukhawm a, Kolasib District chhunga kut hnathawk-tute hnen a\anga hmunphiah leikawmtu te chuan Hmun-phiah hring hi State pawn ah `55–65/- a hralhna an hmuh laia Hnamchhantu in `40/- a lei tumin State pawna hralh an phal loh avangin Mizoram Forest Department ten State pawna an hralh tur an dang chat chu Kut hnathawktute hmuhsitna leh Pawl pakhat vulh duhna ah an ngaih thu an sawi a, hemi a nih avang hian an lungawilohna lantir \ha an tih thu an sawi a ni.
Hetihlai hian nimin vek khan Serlui bialtu MLA Pu K.Lalrinthanga chuan hemi chungchang hi bawhzuiin, Kolasib District Forest te chu kut hnathawktu te hmunphiah thar State pawna an hralhna turah harsatna siam lo turin hriattir an ni a, Vairengte Gate paltlanga State pawna hmunphiah hralh phalsak an ni ta a ni.
Tarlan tawh angin, Zirtawpni zan khan State pawna hmunphiah hralh tum te chu Vairengte Forest Gate ah dan an nih avangin Vairengte forest gate chu sut tlang a lo ni tawh a, nimina inhmukhawm te hian Society thar Broom Stick Mizoram Development Marketing Society an din nghal a ni.