Nimin zing dar 4:30 vel khan Tuirialah Lalrinsanga (34) chuan amah hringtunu, Pi Lailianchhungi (67) chu a chhipah bawngtuthlawhin a vua a, kâ chhawn lohvin a nu hi a boral a, Lalrinsanga hi Police ten an man nghal.
Pi Lailianchhungi te hi kum 6 vel Tuirialah an khawsa tawh a, a fanuten pasal neia an awm darh tawh avangin an nufa chauh hian an khawsa a, Lalrinsanga hi zu in nasa ṭhin a ni a, niminpiah aṭang khan zu a nghei a, a zu nghei rilru buai thiltih a nih khawtlang hruaitute chuan an rin thu an sawi a ni. He thil thleng hi an hriat veleh khawtlang pa ho tlankhawm nghalin thil thlenna hmun an inah hian an tlankhawm a, Lalrinsanga hi an man bet nghal a, Police hrilhin, Police kutah hlan nghal a ni.