Chanchinthar Mizoram

Aizawl-ah Sipai bâng-ten kawng zawh

India ram hmun hrang hranga Sipai bang ten sawrkar laipui an nawrna kal zel ah Mizoram Ex- Services League huaihawtin nimin chawhma khan Zarkawt aṭanga Vanpa Hall thleng kawngzawhna neih a ni.
Ex -Services ten Sawrkar laipui a an thil nawr One Rank one Pension hi India ram hmun hrang hrang ah pawh nawr mek a ni a, nimina Mizoram Ex- Services league-in Aizawla Sawrkar laipui nawrna an lantir hi North State ah chuan a hmasa ber niin,he hunah hian MESL President Col.John Zama chuan thusawina hun hmangin tuna an thil nawr chu Sipai bang leh an nupui thihsan ten an pension lak ṭhin chu an pension hunlai anga mi nilovin tuna a thar hmanlai ang mila hmun khata chawhrual ni rawhse tih a nih thu a sawi a he an thil nawr hi 3rd pay Commission hunlai kum 1973 vel aṭanga an lo nawr tan tawh thu leh tun thlenga tih hlawhtlin a la nih theihloh vanga tun kum hnih khat kalta aṭanga thar thawh leh ṭan an nih thu a sawi.

Vanapa Hall kawt a thusawina hun hmangtu Parliamentary Secretary.Lt.Col ZS Zuala chuan tuna Centrala Sawrkarna chelhtu BJP Sawrkar hian Inthlan dawnah One Rank One Pension chu tihhlawhtlin an tiam a vangin tunah hian chu an in tiamna chu tihlawhtling turin Ba kan dil let mai a ni a ti a, tuna an thil nawr avang hian State sawrkarah lungawilohna an neilo tih sawiin,an thil nawr hi a hlawhtling a nih chuan Sawrkar laipui aṭanga Sipai bang Pension lo lut chuan kan ram Economic pawh a chawisan theih phah dawn a ti.

Nimina Mizoram Ex- Services League kawngzawh te hian Commander in Chief of the Armed Forces India president Pranab Mukherjee hnenah an thil nawr chu tihlawhtling ngei tura ngenna Mizoram Larsap kaltlangin an thawn nghal a ni.

Mizoram Ex- Services League hian tun dinhmun ah member 6200 vel neiin an Nupui leh an chhungte nen chuan member 25000 vel an nei mek a,an zingah hian Indona a thi Nupui la dam mi 9 an nei bawk.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.