Chanchinthar Mizoram

Aizawlah Two Wheeler Taxi official-a tlantir an ni

Inrinni khan Aizawl khawpui chhunga vantlang hman tur Two Wheeler Taxi te chu official-a tlantir an ni.

Transport Minister Pu John Rotluangliana chuan Two Wheeler Taxi te hi a vailiam a, hemi hmaa inkhawm tawi buatsaihah thusawiin, Transport Minister chuan, two wheeler taxi permit hi pek chhuah a ni leh dawn tih a sawi a, MLA-in Quota permit pek chhuah theih 5 ṭheuh an neih chu an pe chhuak vek tawh tih sawiin, tunah hian pek chhuah leh a ni dawn a ti a, Two Wheeler Taxi khalha eizawnna chu rinawmna, hawihhawmna leh taimakna nen eizawnna ngel-nghet leh mipuite tana malsawm-na a siam theih a ni, a ti a.

Two Wheeler Taxi Association din a ni tawh chu lawmawm a tih thu sawiin, Association din hian sawrkar leh mipui tana thawka ding a, mahni hma ngai ngawr ngawra kal lo turin a chah bawk a, mi dang tana malsawmna ni ngei turin a chah bawk a ni.

Minister chuan tunlaiah hnathawk loa awm mai mai an tam lutuk chu thil veiawm tak a tling a ni a ti a, a bikin mipa hnathawk lo an tam ta em em a ni a ti a, mipa hnaa ngaih Bazar hmuna Sa sâttu pawh hmei-chhia deuh vek an ni a, chaw-hmeh zuar pawh nuho bawk tih sawiin, inchhungkhur ngaihtuah tu, eizawnnaah a ni emaw zirna lamah pawh hmeichhia te mipain an tluk meuh tawh loh a, a zahthlak hle a ni a ti a, mipa tan ṭan lak a hun tawh a ni a ti.

Transport Department hian Two Wheeler Taxi Permit hi September 2016 aṭang khan pe ṭanin tun thlengin permit 200 pek chhuah tawh a ni a, sawr-kar rate bituk dan chuan tlan chhuah ṭanna aṭanga Kilometre 1 Rs.10/- Chumi hnu aṭang chuan Kilometre tinah Rs.5 zel a ni tawh dawn a ni. Aizawl Two Wheeler Taxi Association (ATTA) hi kumin February Ni 5 khan din a ni a, tun dinhmunah member 61 an awm mek a, dinna bik tura siam (Stand) hi sawrkarin 19 a siamsak a, heng zinga stand 10-ah hian an ding mek a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.