Chanchinthar Serchhip

Boxing Hall sak mek tlawh

Inrinni tlai dar 3 khan Serchhip District Boxing Association(SEDBA) hruaitu te chuan New Serchhip-a BRTF hmun hluia Boxing Hall sak mek an tlawh a, Contractor Pu HT Thang-hmingliana, Omni Company General Manager Pu Sharma leh JE Pu Dilip-a ten an \awiawm.

New Serchhip BRTF hmun hluia Boxing Hall tur hi nikum kumtir lam khan Contractor pakhatin a lo sa \an tawh a, amaherawhchu Chief Minister Pu Lalthanhawla’n a tê deuh dawna a hriat avangin UD & PA Engineer te Drawing a siam\hattir leh a, tihfel ngai neuh neuh te an tihfel hnu-in kumin kumin January ni 17 khan Contractor dang Pu HT Thang-hmingliana, Serchhip Bazar a mi in a sa chhunzawm ve leh ta a ni.

Boxing Hall tur hi cheng nuai 65 man niin mi 1000 \hut len theihna tur a ni a, a Hall zau zawng hi Feet 117 bial zet niin Hall hnuaiah hian Conference Room te, Player Dressing Room, Medical Room, Store Room, Official Room leh Canteen bakah Inthiarna (Toilet) pawh 4 zet awm tura ruahman a ni a, kumin May thla vela sak zawh hman hram an tum niin Contractor Pu chuan SEDBA hruaitute a hrilh.

SEDBA hruaitu te chuan Boxing Hall \ha tak mai an neih theihna tura theihtawp chhuahtu Chief Minister hnenah lawmthu an sawi tih an tarlang a, nikum hmasa khan Chief Minister hian Boxing Ring pawh a lo pe diam tawh a, tunah hian DC Office hnuaia Room pakhatah an dah \ha rih a ni.

SEDBA hian kumin Favang chhovah hian District Boxing Championship puitham tak neih tumin an inbuatsaih mek a, Boxing Hall tharah ngei District Boxing Championship hi neih an tum tih tarlangin Boxing Hall sakna hmanrua (Material) te chu an endik fo dawn tih an tarlang tel bawk.

Zirtawpni kalta (Feb. ni 1) khan SEDBA leh 14th Assam Rifles Commandant Col. Ratnakar Trivedi te chuan inremna an lo siam tawh bawk a, chumi ang chuan SEDBA te hian 14 Assam Rifles Boxer te vawiin a\ang hian Coaching pe-in an hrual ang a, Mizo Boxer ten 14 Assam Rifles te hmanraw neih ang ang – Boxing Ring leh Gym etc te zalen takin an hmang ve thei thung dawn a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.