Chanchinthar Mizoram

Cytronella leh Lemon Grass lei turin inremna ziak dawn

Mizorama thar, damdawi leh inhnawih rimtui atana hman chi thlaite inleisak turin AMFU leh Sunflag Agro-Tech Company-te’n inremna thuthlung an ziak dawn tih AMFU President-in a sawi.

Nimin khan AMFU Gen. Hqrs President, AMFU Lunglei President ni bawk Pu Joseph H. Thanzuala’n Lungleia AMFU office-ah thu thar thehdarhtute kawmin tunkar Ningani khian Lunglei AMFU leh Sunflag Agrotech Company, Jaipur ami ten medicinal, aromatic & economic plant thar chhuah lei turin MoU an ziah dawn thu hi a sawi a. Heng thlaite hi kuthnathawktuten chin nachang an hriat nan a hawnna beihpui buatsaih a ni ang, a ti.

Thlai tharchhuah hralhna chu AMFU ngaih pawimawh hmasak ber a nih thu sawiin, chumi atan chuan thlai chin tur hralhna hriat hmasak a, loneitute a nih dan hrilh a, tuina an neih hnuah chintir chauh tha an ti tih AMFU President chuan a sawi a. Tun tumah hian ‘lemon grass’ ching turin hma lak a ni dawn a, Mizoramah hactare 5,009-ah chin tum a ni a, SUNFLAG Agrotech hian an lei theih dawn avangin MoU ziah a ni ang, a ti.

AMFU hian ‘Cytronella’ chîng turin Council of Scientific & Industrial Research (CSIR) NE Institute of Science & Technology Jorhat nen pawh MoU an lo ziah tawh thu AMFU President hian a sawi bawk.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.