Chanchinthar Infiamna

EFL Cup: Chelsea leh United an chak chiang

\Nizan hmasaa English Football League Cup (Carabao Cup)-ah Chelsea chu 5-1-in Championship club Nottingham an hneh a, Old Trafford-ah Manchester United pawhin Championship Club vek, Burton Albion chu 4-1-in an sawo bawk a, Everton leh Arsenal te pawhin Fourth Round an thleng bawk.

Chelsea 5-1 Nottingham Forest
Blues boss Antonio Conte chuan Pathianni-a Arsenal draw-tu zinga mi 9 a thlâk danglam chungin Premier League champion hian Championship Club tan an tawh khirh a ni tih lantir nan goal 5 ngawt an thun a, Michy Batshuayi chuan hattrick a siam a, Eden Hazard chuan tun season-a a vawi khatna atan inkhel bul a ṭan a, Assist pahnih a nei nghal a, Chelsea tan hian Kenedy leh Charly Musonda ten goal khat ve ve an thun bawk a, Nottingham tan hian minute 90+1-ah Tendayi Darikwa chuan goal a thun ve hlauh a ni.

Manchester United 4-1 Burton Albion
Marcus Rashford a che ṭha hle a, goal hnih a thun bakah Anthony Martial goal thun tur a siamsak bawk a, Jesse Lingard pawhin United tan goal a thun bawk a, Burton tan hian Lloyd Dyer chuan pawhin Burtin Albion si phurh hi minute 90+1-ah a rul ṭhen ve hram a ni.

He Match-ah hian United pawhin an player an siksawi nasa hle a, Pathianni-a Everton 4-0-a hnehtu zingah Rashford leh Juan Mata te chiah an start a, May thlaa Europa League title an chawi hnua a vawi khatna atan Keeper Sergio Romero chu a inlan ve leh a, Michael Carrick chuan tun season-a a vawi khat inlannaah hian Captain armband a hreng a, Luke Shaw erawhin starting eleven a la chang lo zui a, second half-ah luhtir a ni a, Southampton defender hlui hian game 72 a khelh tawh aṭangin game 17-ah chiah a la start a ni.

Everton 3-0 Sunderland
Everton chuan an game hnuhnung pasariha a vawi khatna atan Sunderland chu 3-0-in an hneh a, darkar 7 leh a chanve zet goal thun lova Everton an awm chu Dominic Calvert-Lewin chuan thaichhiain minute 38-naah goal hmasa ber a thun a, second half-ah minute 53-naah Calvert-Lewin hian a goal hnihna a thun a, minute 83-naah Everton chakna tichiang turin Oumar Niasse chuan Everton tana a goal hmasa ber a thun bawk.

Arsenal 1-0 Doncaster
Arsenal pawh Theo Walcott goal hmangin League One Club Doncaster Rovers an hneh a, Arsene Wenger pawhin a player te a siksawi nasa hle a, Pathiannia Chelsea hmachhawntu 11 zet a thlak a, Arsenal starting XI-ah hian Per Mertesacker, Jack Wilshere, Olivier Giroud, Alexis Sanchez leh Walcott te an tel a, Arsenal hian inkhel an thunun hle hle a, goal attempt pawh 27 ngawt an nei a, hetihlai hian an hmachhawn Doncaster hi League one-ah 11-na niin, he competition-a team hniam ber an ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.