Chanchinthar Mizoram

EPIC lem hmuchhuak ṭeuh

Inrinnia Central YMA hruaitute Rangvamual leh Phunchawng-a ramdangmi leh zu zuar endik tura kalte chuan Electoral Photo Identity Card (EPIC) lem nei an hmu chhuak ṭeuh niin an sawi.

CYMA Finance Secretary Pu J.Lalsailova sawi danin he khaw pahniha kalte hi pawl hrang hrangah insiamin an chhungkaw dinhmunte an chian a. Ramdangmi leh zu zuar chhuak kimlo an awm tih an hmu chhuak a, chumi rualin EPIC an kawl tam tak chu a lem nia an hriat thu a sawi a. He thil hi chu sawrkara thlena la sawi hova la bawhzui tur nia a ngaih thu a sawi a. An thil hmuh dan kimchang erawh chu pawl hrang hranga insiamte’n an thehluh hnu-a chiang thei chauh tur niin a sawi a ni. Inrinnia Rangvamual leh Phunchawng endiknaah hian Central YMA CEC member-te bakah Aizawl khawpui chhunga branch office bearers zawng zawng thawk chhuak turin an inhriattir a. Heta kal khawmte hi pawl hrang hrangah inṭhen darhin kalna tur an insiam leh a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.