Chanchinthar India

Eptute tel lovin Bill leh sum hman tur te pass

Nimin khan Lok Sabha chuan budget session-a tih tur pawimawh zawng zawng ti zo hman turin eptu party te tello in Finance Bill leh ministry hrang hrang sum hman tur te a pass a, hemi hma hian Raiway Bill a pass bawk a ni.

Union Finance Minister P Chidambaram chuan Finance  bill hi house ah pharhin huan lo rama chhiah lak tumna a awm lo tih a sawi a, hemi chungchangah hian Prime Minister Manmohan Singh leh President Pranab Mukherjee te pawh nizan  hmasa khan a rawn thu a sawi a ni.

Hemi hma hian Railway Minister Pawan Kumar Bansal chuan Railway budget hman phalna Appropriation Bill a pu  lut bawk a, heng bill 2 te hi sawiho lohva pass a ni.

Lok Sabha Speaker Meira Kumar chuan hetianga sawiho lohva Finance Bill pass hi tun hma pawhin tih a lo ni tawh tih a sawi a, sawiho theih a ni lo chu pawi a tih thu a sawi bawk a ni.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.