Chanchinthar Infiamna

FIFA Ranking-ah Germany a chung berah awm zel

105-naah India a kai sâng

Nimina FIFA Ranking tihchhuah tharah Germany chu a chung berah a awm chhunzawm zel a, India pawh step hniha hmasawnin 105-naah a awm.

Ranking tharah hian Top 6-ten an dinhmun ngai an luah chhunzawm zel a, Top 10-ah Spain rawn kirin 8-naah an awm a, New Zealand nena World Cup khelh inchuha Intercontinental play-off khel tur Peru pawh a vawi khatna atan Top 10-ah rawn langin 10-naah an awm a, hetihlai hian Colombia leh Switzerland te chu Top 10 aṭanga nek chhuahin an awm thung.

England pawhin Wales, Mexico leh Colombia te zuankhumin, Step thuma hmasawnin 12-naah an invawrh kai a, World Cup khel zo lo mahse Netherlands chuan step 9-a hmasawnin 20-naah an invawrh chho bawk a, World Cup khel pha lo ve tho USA pawhin hmasawnin 27-naah an invawrh chho bawk a, Austria chu hmasawnna nei nasa ber niin, Step 18-a hmasawnin 39-naah an invawrh chho a, Ecuador chu che chhe ber niin 35-na aṭangin 60-naah an tla thla a ni.

September 2017-a ranking-ah khan India hi 107-na niin, ranking thar tihchhuah hma hian vawi khat chiah an inkhel hman a, chutah chuan Macau (tun ranking-a 180-na) chu 4-1-a hnehin 2019 AFC Asian Cup khel turin an tling nghe nghe a, India hian 328 rating point neiin thla hmasaa an point aiin point 12-in an sang a ni.

FIFA Ranking Top-20:
Rank  — Country  — Movement
1 . Germany —- No Movement
2 . Brazil No —- Movement
3 . Portugal —- No Movement
4 . Argentina —- No Movement
5 . Belgium —- No Movement
6 . Poland —- No Movement
7 . France —- Up 1
8 . Spain —- Up 3
9 . Chile —- No Movement
10. Peru —- Up 2
11 . Switzerland —- Down 4
12 . England —- Up 3
13 . Colombia —- Down 3
14 . Wales —- Down 1
15 . Italy —- Up 2
16 . Mexico —- Down 2
17 . Uruguay —- Down 1
18 . Croatia —- No Movement
19 . Denmark —- Up 7
20 . Netherlands  —- Up 9

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.