Chanchinthar Zirna

Gorkhali-te OBC dinhmun pe lo turin sawrkar ngen

Mizo Zirlai Pawl chuan hun rei tak ata tawh Gorkhali ten Other Backward Class (OBC) dinhmun an dilna chu eng ti kawng mah a tih hlawhtlin sak lo turin sawrkar a ngen.

MZP chuan thuchhuah siamin, India danpuiin OBC a tih te chu zirna lamah leh khawsak phung a dinhmun chhia leh hniam bikte an ni a, amaherawchu Mizoram a OBC dinhmun neih tuma khel kual mek Gorkhali hnam te erawh zirna lamah leh khawsak phungah pawh a ram leilung fa, Mizote aia sang tak tak leh in hmun leh ram pawh nei tha zawkte an ni fur a ni an ti a.

Mizorama Gorkhali ten OBC dinhmun an luah chuan state sawrkar hna lak reng rengah leh zirna in hrang hrangah seat leh quota 27% hauhsak an nih dawn avangin ram leilung faten nasa taka kan tawrh theih dawn avangin MZP chuan \ha lo a ti a. Hemi bakah hian sawrkarin \anpuina a pek private company te leh private school ah te pawh OBC te dinhmun hi hauhsak an la nih leh zel dawn avangin, nasa taka hmasawn la ngai leh kawng hrang hrang hnufualna tam tak la nei Zofate chanvo tam tak ei hek sak a kan awm dawn avangin MZP chuan eng ti kawng maha Gorkhali te OBC dinhmun pek hi rem a ti lo a. Mizote dinhmunin kawng hrang hrang a hmasawnna tur tam tak kan la neih mek lai leh sorkar hna leh zirna in, a bikin University ah leh College-ah te seat kan la indaih loh em em lai a kan dinhmun ei hek tur zawnga Gorkhali ten an mahni hnam bil hamthatna tura hmalakna an kalpui mek chu MZP chuan a tawp thleng in a do zel dawn a ni. an ti

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.