Chanchinthar Mizoram

Governor-in YMA hruaitute kâwm

Governor Lt. General Nirbhay Sharma chuan Raj Bhavan-ah Central YMA hruaitute nimin khan a kawm.
Governor chuan Mizoram a lo thlen hma pawhin YMA-in khawtlang tana hna an thawh ṭhatzia a lo hriat tawh thu a sawi a. YMA te chuan mipui, sawrkar leh inthlanna-ah a ṭha zawngin mi rilru an hruai ṭhin chu a lawmawm a tih thu sawiin, YMA te thil tihnaah amah leh a chhung ten theihtawpa thlâwp an tum thu a sawi.

Governor hmuh-naah hian Central YMA hruaitute hi an President Pu Lalbiak-zuala hovin Vice Presi-dent Pu Vanlalrema Rokhum; Fin. Secy Pu Lalrochhuanga Pachuau; Treasurer Pu J. Lalsailova; Gen. Secretary Pu Vanlalruata leh Asst. Secretary Pu Lalhmachhuana te an tel a, YMA hruaitute hian YMA kalphung leh ṭhalaite tan training hrang hrang an pek tawh thu te an hrilh a ni.

Governor hi a nupui Pi Jyotsna Sharma leh a fanu Nupur Sharma te bakah Secretary to Governor Pu Rodney L. Ralte ten an ṭawiawm a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com