Chanchinthar Serchhip

ILP nei lo leh fello 38 man chhuak

Nizan hmasa khan Ser-chhip Police leh YMA Sub Hqrs. Serchhip Kumpuan Committee ruahman angin, Police leh Serchip Town chhunga YMA Branch hrang hrang te chuan an huam chhungah a rualin Inner Line Petmit (ILP) enfiah beihpui an thlak a, he beihpui thlaknaah hian ILP nei lo leh diklo 38 man chhuah an ni.

Heng hnamdang ILP nei lo/dik lote hi Police Stationah lakkhawm niin, nimin khan Court-a hruai an ni a, ILP nei lo mi 24 te chu Jail-ah dahluh an ni a, midang te hi chawitir leh ILP siamṭhattir an ni.

Serchhip khawpui leh a chhehvela hlâwkna têl (commission)-a hnamdang sum-dawng sponsor ṭhin te, hnam-dang sponsor a, ngaihtuah zui si lo, an duh duh tia hnamdang khawsa an awm ṭhin te leh hnamdang Cement mistiri-ten duh zat daily rate insiam a, uchuak taka hlâwkna ûm vânga ṭheka lova rawih theih an awm mumal ta lo te chu Serchhip Sub-Hqrs YMA hruaituten pawi an tiin, ṭha lo an tih thu an sawi a, YMA Sub Hqrs.Serchhip hruaitute chuan a theih chen chena dan lova Mizorama khawsa hnamdang ûm chhuak tur leh dan lova sumdawnna titawp tura ṭan lak zui zel an tum tih an sawi bawk.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.