Chanchinthar Serchhip

Joint VC huaihawtin sual thupha chawi ṭawngṭai neih a ni

Nimin khan Serchhip Town Joint VC huaihawtin Chhim Veng volleyball court-ah Ram tana sual thupha chawi ṭawngṭai inkhawm neih a ni.

He hun hi Joint VC Chairman Pu PC Siamliana’n a kaihruai a, he hun hman rawt chhuaktu, Pathian mi tirh nia inchhal Keiṭum khua Pu Lalṭanpuia, Serchhip District VC Association President Pu T.Zabiaka, Serchhip-V VCP Pu J.Hminga bakah Serchhip Vengchung Presbyterian koh-hran upa, Upa R.Fillawma bak-ah inkhawm kaihruaitu Pu PC Siamliana ten thu an sawi a ni.

Upa R.Fillawma chuan Pathianin Mizoram chu milem bân 10 nei lak aṭangin a hruai chhuak dawn tih sawiin, tunah chuan Mizo mipui chu saltâng kan ni a ti a, nakinah BJP ten kan ṭhalai te thiam taka an thunun tur thu pawh Pathianin a hmuhtir anga sawiin, Mizoramah hian Oil leh gas a tam a, Zoramthar din hunah a zâr kan la zo dawn a ni a ti a. Tun dinhmunah chuan mahni fel intihnaah kan la tâng mek a ni a ti.

Chairman chuan Upa Fillawma thusawi hi a ṭawmpuina thu sawiin, kohhrana awm emaw awm loh emaw Aadhaar neih leh neih loh chu himna a ni lova, Pathiana awm chu himna a ni zawk a ti a, Kelkang harhna chu nung chho zel se a duh thu a sawi.

He inkhawmah hian hun ṭantirah ni a sat hle laiin inkhawm bân hmain nasa takin ruah a sur a, ruah sur lai hnuaiah hian mi 100 chuang an ṭawngṭai a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.