Chanchinthar Mizoram

Kawng laih hna kal lai chawlhtir chinfel a la ni lo

Multi Modal Transit Trans-port Project Land Owners Association inti
ten Compensation pek thuai phut avanga Ningani aṭanga Multi Modal
Transit Transport Project kawng laih hna kal lai an chawlh tir chu
chinfel a la ni lo.

He thil chingfel tur hian Mizoram sawrkar chuan tun hnai khan Lai
Autonomous District Councila Senior Revenue Officer a ruat a, hei hi
Lai Autonomous District Council chuan a pawm thei lova, LADC hotute
sawi danin Lawngtlai leh Zochachhuah inkara Multi Modal Transit
Transport Project kawngpui laih hnathawh mekah hian Compensation pek
ngai nia hriat, a tira tam vaklo awm chu 700 chuangah a pung chho a,
thil kalphung a buai hnua chinfel tura an kuta hlan tumna chu an pawm
theih loh thu sawiin, District Collector thuneihna District Council-a
Senior Revenue Officer kuta hlan a nih dawn chuan he thil buai tawhah
chauh ni lovin District pum huapin hlan nise an duh niin an sawia, an
duh dan chu Mizoram sawrkar-ah pawh an thlen tawha, sawrkar aṭangin
chhânna an la hmulo niin an sawi bawk a ni. Hetihlai hian buaina leh
thil ṭhalo thleng thei veng turin Police duty tir an nih bakah,
Magistrate te pawh boruak vil reng tura tih an ni.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.