Chanchinthar Mizoram

Kolasib Supply Godown aṭanga dân dik lova phurh chhuah buhfai te mipui hnenah hralh chhuak

Kolasib Supply Kudam aṭanga Dan diklo-a Buhfai phurh chhuah, Kawnpui Police ten nikum October thla-a an man chu Kolasib District Court thupek angin nimin khan Kawnpui Police Station aṭangin Supply Department thawktuten mipui hnenah an lilam a, he thubuaia mawh-phurtu bera puh Koasib DCSO laka thubuai siam phalna sawrkarin a la pek loh avangin police ten chargesheet an la thehlut thei lo.
Buhfai hi Kolasib DCSO hlui Pu P.Zohmingliana’n sawrkar Kudam aṭanga dan lova a phurh chhuah nia hriat a ni a. Buhfai tihchingpen avang hian Department thawktu mi 3 te lakah thubuai siamsak a ni a; an zinga pakhat Storekeeper chu Court-in thiam lohna a nei lo nia hria-in a chhuah tawh a; LDC pakhat chu a chungchang ngaihtuah mek a ni a. He thila mawhphurtu ber nia Police ten an ngaih DCSO hlui erawh sawrkarin a laka thubuai siam phalna an la pek chhuah loh avangin Police ten Court ah Chargesheet an la thehlut thei lo a ni.

Nimina buhfai tihral tak hi Food & Drugs Control, Health Deptt leh AH & Vety Deptt te chuan a hmunah kalin an endik a; mihring leh ran vulhte tan ei tlak a nih leh nih loh finfiah nan Laboratory-ah an thawn a; enfiahnaah bag 140 zinga bag 7 chu ei tlak loha ngaih a ni a; mihring tana ei tlak bags 133 te chu hralh chhuah a ni a. A hralhna man hi sawrkar sum bawmah dah a ni ang.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.