Chanchinthar Mizoram Politics

Kum 2007 hnu-ah Mizoramah hmasawnna thar hmuh tur a awm lo: Assam Industries Minister

Assam sawrkara Industries Minister Chandra Mohan Patowary chuan kum 2007-a Mizoram a tlawh hnuah hmasawnna thar engmah hmuh tur a awmlo niin a sawi.
He thu hi Inrinni-a BJP Mizoram Pradesh Office, Upper Republic-a Central sawrkarina program a siam, mitin tana hmasawnna-Sabka Saath-Sabka Vikas Samilan Program hmannaah a sawi a, he hun BJP State President Dr JV Hluna kaihhruaiah hian Pu Patowary chuan Mizoram-ah hmasawnna hnathawh tur tam tak a awm a, BJP sawrkar aṭang lo chuan hmasawnna hnathawh theih a nih loh avangin BJP hi Mizoram mipui ten an thlawp a ṭul a ti a,  kawngpui te chu Congress sawrkarin ngaihtuah tak tak nise, ṭhal laiin Central-ah sum an dil ang a, an siam tur a ni, a ti a, chutiang an tih loh avang chuan kawng chungchangah harsatna nasa tak an tawk a ni, a ti.

Mizoramah Industry puitling pakhatmah a awmlo chu mak a tih thu sawiin, sawrkar hrawn mek chuan eng hna nge Mizoram tan an thawh tih chu a zawhna a nih thu a sawi a, kum 2007-a a lo kal leh tuna a lo kala thil danglam thleng a hmuh chhun chu leimin a tam ta sawt chu a ni a ti bawk.

He hun hmanpui tura lo kal Madhya Pradesh MP Riti Pathak pawhin thusawiin, Mizoram chu mikhualna ram a ni lova, mahni State ang maia a tlangnelna a ni, tih a sawi a, a pasal Aizawlah Telecom-ah thawkin Kulikawnah in an luah a, an fate 2 pawhin Aizawlah lehkha an zir tih a sawi a, hetiang dinhmun a luah takah chuan India ram khawi hmunah pawh Mizo ten harsatna an tawk emaw a nih chuan a biak pawh theih reng tih a sawi a, an chunga Mizo ten ṭhatna an lo lantir tawh avangin ani pawhin theihtawkin Mizo te tan kê a pên dawn tih a sawi.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.