Chanchinthar Serchhip

Lawrkhawm

Inkhawmpui nei

  • Zirtawpni zan aṭang khan Presbyterian Kohhran hnuaia Pastor Bial hrang hrang Kohhran Hmeichhia te chuan Biak Inkhawmpui an nei a, Inrinni chhun khan rorel inkhawm neiin, nizan khan inkhawmpui hi an ṭiak hlawm a ni.

Nuar dawn

  • Vawiin leh naktuk hian India ram pumpuia Bank hnathawkte chuan an thil ngiat hrang hrangte nawrna’n nawrh an huaihawt dawn a. Bank hnathawkte sawi danin vawiin leh naktuk hian Bank te khar a nih dawn avangin mipui tan dawr theih an ni dawn lova. Nuar tur zingah hian Mizoram Rural Bank hnathawkte pawh an tel ve dawn nia thudawn a ni.

Seminar nei dawn

  • Information & Commu-nications Technology deptt. leh MJA ṭangkawp chuan district hrang hrang khawpui ahte ‘E-Governance & Social Media’ tih thupui hmangin seminar an buatsaih dawn a. February ni 14-ah Serchhip-ah Seminar hi neih a ni ang.

Charge inhlan dawn

  • Kum 2012-2014 chhunga MJA (Serchhip District) hruaitu te leh 2014-2016 chhunga hruaitu te chuan vawiin tlai dar 3 hian Pu PC Vanlalhruaia In, Serchhip Bazar Veng-ah charge an inhlan dawn.
Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.