Chanchinthar Infiamna

Manchester United hnehtu Chelsea-in FA Cup Semi-Final an thleng

Chelsea chuan FA Cup humhim turin nimin tlai khan 1-0-in Manchester United an hneh a. Goal awmchhun leh chakna goal hi Demba Ba khung a ni.

Hemi te pahnih hi First Leg-ah Old Trafford-ah 2-2-in an lo in-draw tawh a, replay match Stamford Bridge-a khelhah Chelsea hian 1-0-in Manchester United hi an lo hneh a, Chelsea hian Semi-Final-ah Manchester City an hmachhawn dawn a ni.

First half-ah hian Goal a lut lo na a, Chance erawh an nei ve ve a, Clear chance sawi tur erawh an nei chiah lo. Manchester United chance ṭha ber chu Hernandez shot kha a ni mai awm e. 40 yards vel aṭangin a shot a, a thlawk khawi zawr, Cech a lo dive hman tawh a, mahse a ke-in a dang hman hram. Chelsea tan hian Mata a khel ṭha leh pek khawp mai a, Cole erawh a inhliam vangin lakchhuah a ni.

Second half ṭan a nih hnu minute 2 lekah Demba Ba chuan Mata ball siam ṭha zet chu dawngin, a volley goal a, a goal mawi mawi hle a ni. 1-0 in Chelsea chuan hma an hruai ta a. Manchester United lam hian rulh tumin theih tawkin an nawr let a, minute 60-ah mual dinglam aṭangin Welbeck chuan ṭha zetin a cross a, Hernandez chuan ṭha em em in a lo tauh a, Cech chuan pen 4 vel lek aṭang-in ropui zetin a lo dang hman a ni.

Manchester United chuan nawr hle mahse goal an khung thei lova, Chelsea hian chance \ha tak tak counter attack atangin an nei zut a, mahse anni lam pawhin goal an thun belh thei bik lova, Robin Van Persie chuan chance ṭha zet zet vawi hnih a ṭhelh a. Hun tawp dawna Evra cross ṭha zet a lo pet over kha chu Manchester United lam tan chuan an ui khawp ang. Hun pangai a zo a, minute 4 pek belh a ni a, goal dang a lut tawh lo. 1-0 in Chelsea chuan hnehna an chang ta a, FA Cup semi final-ah Manchester City an hmachhawn dawn ta a ni.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.