Chanchinthar Mizoram

Mau chungchangah Meeting pawimawh nei

Nimin khan PCCF Conference Hall Tuikhuahtlang, Aizawl-ah Mizoram sawrkar hotute leh Ministry of DoNER, GIZ leh International Network for Bamboo and Rattan (INBAR) hotute chuan Mau chungchangah meeting pawimawh an nei.

Meeting hi Pu Lalram Thanga, Principal Secretary to Government of Mizoram chuan a kaihruai a, Meeting-ah hian Mizoram mau tihchangtlun dan tur sawihoin hemi chung-changa hmalakna lo awm tawh te an tarlang a, heng sawihona aṭanga scheme an duan chu enho a ni a, pawm a nih chuan he scheme atana sum hi Ministry of DoNER in a rawn tum dawn a ni.

Mizoram bamboo sector dinhmun te, hmachhawp hrang hrang te, project timeline leh thil pawimawh dangte sawiho a ni a, Funding pattern tur te leh ṭhenawm state – Megha-laya leh Nagaland te nen thawhho dan turte pawh sawi-hoin rawtna an siam bawk a ni.

He meetingah hian Mizoram sawrkar aiawhin Pu Lalram Thanga, Principal Secretary to Government of Mizoram, Pu Zothankhuma, Commissioner, Commerce & Industries department bakah, Secretary-NLUP Implementing Board, Nodal Officer Climate Change leh EF&CC department aṭangin senior officer te an tel a, Ministry of DoNER aṭangin Pi Mercy Epoa, Director in a rawn telpui a, INBAR aṭangin Dr Subramony leh GIZ atangin Dr Gross leh a team – Pi Indrani leh Pu Kenneth Pala te an rawn tel a, anni bakah hian ARCBR Aizawl, Mizoram Bamboo Development Agency, Nagaland Bamboo Development Agency a mithiamte bakah, private bamboo based entrepreneur’s hrang hrang aṭangin mi engemawzat an tel a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.