Chanchinthar Kohhran Mizoram

MBKHP Inkhawmpui atan sawrkar aṭangin sum beisei lo

Mizoram Baptist Kohhran Hmeichhe Pawl hruaitute leh Inkhawmpui Organising Committee hnuaia Sub-Committee 13 hruaitute chu Inrinni khan ni1–4 February, 2018 chhunga MBKHP Inkhawmpui neih tur chungchang thlirhovin BCM Lunglawn SS Hall-ah an ṭhukhawm.

He hun hi MBKHP Vice-President Upa C.Remmawii’n meeting hi a kaihruai a, Baptist kohhran hnuaia hmeichhe inkhawmpui lian hi Lunglawn Pastor bialin a thleng dawn a, inkhawmpui dawl tur hian budget cheng nuai 37 siam niin `33,015,45/- hmuh tawh a ni a, a bak zawng pawh hi hmu turah an inngai a, he inkhawmpui atan hian sawrkar aṭangin engmah dil a ni lova, kohhran mipuite thawh chhuah liau liau a ni.

Inkhawmpui pandal hi 20 November 2017 aṭangin Lung-lawn mualah sak ṭan a ni dawn a, YMA Sub-Hqrs Steel Structure hmanga pandal hi sak tur niin, a vâng lam zauh a ni ang a, pandal zau zawng hi 144 x 138 feet a ni dawn a, pandal chhungah hian mi 6840 vel leng thei tura duan niin, pandal chhung leh pâwn hi hautak lo thei ang bera chei tum a ni a, inkhawmpui puala thla la duh tan thlalakna hmun tur bik pawh siam tum a ni.

MBKHP hnuaiah hian Pastor bial 84 chhungah BKHP Unit 445 an nei a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.