Chanchinthar Mizoram

Midday Meal pek ṭhinna School-ah PHED-in a thlâwnin tui pe dawn

Primary leh Middle School-a zirlai naupang chaw chhun pek ṭhinah tui thianghlim duh-khawp awm loh vanga harsat-na thleng ṭhin sukiang turin PHE Department chuan heng school tinah hian thlatin tui litre 5000 zel a thlawnin a pe dawn.

School Education Minister Pu H. Rohluna leh PHE Minister Pu Zodintluanga te kaihhruaina hnuaia nimina sawrkar mipawimawh te Aizawla an ṭhutkhawmnaah he thutlukna hi siam a ni a, India sawrkarin naupang zawng zawngin elementary education an neih theih nana a hmalakna pawimawh tak zing a mi chaw chhun (Midday meal) pek ṭhin chu zirlai leh nu leh pa ten chhawr ṭangkai hle a, amah-erawhchu hemi atana sawrkar-in sum hman tur a bituk hian chaw leh a hmeh tlem leina bak chu a daih loh thu meeting-ah tarlan a ni a. Chaw chhum nan te, in tur atan leh thil dang dang atan tui thianghlim mamawhna a san zia leh chumi atan chuan a hranpa a pawisa pek a awm loh avangin Mizoram school hrang hrangah an zirtirtuten pawisa thawhkhawm in emaw, Annual Grant atang emaw te in tui bill an pek mai ṭhin thu te tarlan a ni a, School ten Annual Grant an dawn hi a tlem tham avang leh, a hmanna tur a tam bawk si avangin an indaihlo ṭhin hle a, Midday Meal pekna School a tui thianghlim pek hi Universal Elementary Education hlawh-tlinna atan thil pawimawh tak a ni tih meetingah hian sawilan niin, Mizoram district hrang hranga sawrkar enkawl Primary leh Middle School, PHED tui connection nei te chu kum hnih chhung thlatin tui litre 5,000 a thlawn a pek turin leh, kum hnih hnu a he ruahmanna hi ennawn leh turin rel a ni.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.