Chanchinthar Zirna

Mizoram School tam zawk dân lo angin kal mêk ti

MSU Gen.Hqrs, chuan Mizorama school tam zawk chu dân lo anga kal mek
an ni tih hmuh chhuah a ni a, dan lo anga school hawng mekte chungah
sawrkarin hremna a lekkawh lo ani chuan a ṭul anga hmalakna an kalpui
dawn thu an tarlang.

MSU thuchhuah chuan Mizoram School hrang hranga Admission fee to
uchuak lutuk tihniam tura hma la tur leh dan lo anga fee la te chunga
dan anga hremna lekkawh tura sawrkar a ngenna chu a thlir reng tih
sawiin School hrang hranga questionaire sawrkarin a sem chhuah April
ni 15, 2013 ram hmaa thehlut tura a tih angin Questionaire thehluh
aṭanga dân lova school kalte chungah ‘action’ a lak dan tur a thlir
reng dawn a. MSU chuan school hrang hrang a endik hnuah Mizorama
school tam zawk chu dân lo anga kal mek an ni tih hmuh chhuah a ni a,
sawrkarin questionaire a sem chhuah chhânna aṭang hian chiang taka a
hriat dawn avangin dân lo anga school hawng mekte chungah April ni 24,
2013 hmaa sawrkarin hremna a lekkawh lo a nih chuan MSU chuan hmalakna
a kalpui dawn a ni, a ti.

MSU chuan Delhi University in session thar aṭanga 1st & 2nd Semester a
Hindi/MIL compulsory subject-a dah a tum chu ṭhalo tiin he ruahmanna
hi siam ṭha leh tura ngenna a thawn bakah Mizoram Chief Minister, MZU
Vice Chancellor, Mizoram MP pahnih te hnenah sût a nih theih nana hma
laksak turin ngenna an thlen tih an sawi a ni.

MSU chuan an thuchhuah dangah NIOS Principal laka FIR an thehluh chu
hnukdawk lovin chak zawk leh zau zawka hmalak OB Extended meeting
chuan a rel tih an tarlang a. Police lam pawhin FIR bawhzuiin enquiry
an zo thawkhat tawh a, chutihlaiin NIOS zirlaiten Police hnena lehkha
nen FIR hnuhkir leh an dil avangin Police-in MSU a ngaichang a, MSU
chuan FIR thehluh tawh chu kaltlangpui a tum a, Police lam pawhin case
hi an register nghal niin an thuchhuahah an tarlang,

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.