Chanchinthar India Mizoram

Mizoramah Myanmar atangin râltlan mi 300 chuang rawn lût

Siaha District chhim tawpa khaw pahnih – Khaikhy leh Lungpuk-ah Myanmar mi, raltlan 300 chuang an lut.
Heng raltlan te hi Myanmar leh India ramri aṭanga Myanmar ram chhung 14 Km. vela hlaa awm Arakan State chhung Ralie khua aṭanga rawn kal niin, Mara leh Matu hnam an ni a, an zinga 261 chu Lungpuk-ah an awm a, a bak 74 chu Khaikhy-ah an awm a, raltlang zingah hian a tam zawk chu hmeichhia leh naupang an ni a, Mizoram lama an lo tlânna chhan chu an khuaah Arakan Army tia hriat, hel pawl an luh avang leh an khaw daia tlang pakhatah an inkulh avang te, chung hel pawlte chu anmahni veh rengtu, Myanmar sawrkar sipai nen inkap mai theia an awm reng vangte niin an sawi a, an khua atanga inthiarfihlim tura an ngen pawha an inthiarfihlim si loh avangin nunau nena inkahna tuar ai chuan tiin hmun him lam nia an hriatah an lo tlanchhe ta niin a sawi a ni.

Raltlan te hi an raltlanna khaw mipuiten an lo buaipuiin, an riahna hmun tur bakah an ei tur leh mamawh dangte an ngaihtuahsak a, Assam Rifles pawhin helai hmunah hian raltlan lo lut zel tur vêng tur leh anmahni buaipui tur hian Lunglei-a an Bn. Hqrs, aṭangin Lt. Colonel (2nd in command) hovin sipai engemawzat an tir lut a, Assam Rifles chuan Siaha DC, SP leh MADC member te nen ṭanghovin raltlan lo lut zel tur chu an khuahkhirh tawh a, a rawn lut tawh sa te chu Lungpuk leh Khaikhy-ah dahin raltlan te hriselna dinhmun pawh hi Assam Rifles Medical team-ten an endiksak tawh niin an sawi a ni.

Khaikhy leh Lungpuk bialtu MDC, Pu K.Chhuabei pawhin mi mangang, himna zawnga lo lutte tanpuina atan hian alu, dal leh thil dang, pick up trip khat a thawn tawh a ni.  Chief Secretary, Pu Lalmalsawma chuan mi mangang, himna zawnga lo tlan lut, ei tur leh awmna pek chu sawrkar tihtur a ni tih sawiin, sawlai hmun saw a kilkhawr deuh avangin buhfai chhek khawl sa awm ang ang, a khaw mite nen lo ei tlang a, tuam hlawm phawt a tul thu a sawi.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.