Chanchinthar Zirna

MPCC-in School khar pawi ti

Tuna Lumpsum Aided School 83 zinga 26 te’n dinhmun sang zawka sawr-karin a dah theih loh avanga School an khar ta chu an pawi an tih thu Mizoram Congress Pradesh Committee chuan thuchhuah siamin a sawi.

An thuchhuahah chuan MPCC President, Chief Minister ni bawk Pu Lal Thanhawla lo sawi tawh angin tuna school khar te hi Private School an ni a, anmahni ṭhahnemngaihna a an lo din a ni a, kum 2008 a sawrkar hmasain Lump sum Aided dinhmuna a hlan kai te niin, Khami kum khan sawrkar hmasa chuan sum dinhmun ngaihtuah tel lovin School 337 dinhmun ṭha zawkah a dah a, Congress sawrkar chuan chhawm chho in School 337 te chu an nihna ang angin hlawh pein sawrkar hian pakhat mah thlauhthla lovin, a duhsak zawng pawh an ni dinhmun angah a hlankai belh lo tih an sawi a ni.

Hetihlai hian, Mizo Students’ Union (MSU) chuan Private School ten School an khar avanga zirlaite’n an zirna kawnga harsatna an tawh loh nan a ṭul anga hmala turin Mizoram sawrkar a ngen nawn leh tih nimin khan thuchhuah siamin a sawi a, LUMPSUM School te pawhin zirlaite dinhmun leh an harsatna thinlung taka hrethiamin an School khar hi titawp turin a ngen bawk.

Editor
C.Lalrochhuanga, New Serchhip, Serchhip - 796181 Mizoram Contact: 8974286711
http://www.zothlifim.com

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.